Námskeiðin

2 ára ballett

Forskóli 3 - 6 ára, 1x í viku

Miðstig 6-9 ára, 2x í viku

Efsta stig 10 - 20 ára, 3-4x í viku, ballett

Ballett fyrir 20 ára og eldri

Jazzballett og söngleikjadans

Silfur svanir 65 ára +

sumarnámskeið 2020

Fréttir af starfinu

IMG_7715 (2)

Sumarnámskeið

-

4-5 vikna sumarnámskeið hefst 25. maí

Upplagt til kynningar fyrir nýja nemendur. Kennsla fer fram í húsnæði skólans í Skipholti 50c

Sjá má allar upplýsingar hér undir Sumarnámskeið 2020.

Kennsla hefst 4. maí

-

Kennsla fyrir nemendur á leik- og grunnskólastigi hefst aftur 4. maí og munum við þá klára önnina en það voru 2 vikur eftir þegar samkomubann skall á.

Við minnum áfram á handþvott með sápu og að spritta. Allir snertifletir verða áfram sótthreinsaðir reglulega.

Bið foreldra í setustofu/búningsherbergjum er ekki vel liðin, of erfitt að halda 2ja metra reglunni þar. Við hvetjum fólk til að fara í gönguferðir á meðan. Við biðjum alla að virða þessar nýju reglur og vera ekki að mæta of snemma og reyna að hafa nemendur eins mikið tilbúna innan undir og hægt er svo tími í búningsklefum sé sem styðstur.

Það er svo sannarlega mikil tilhlökkun okkar megin að fá að hitta alla nemendur okkar aftur.

Tölvupóstar eiga að berast til allra hópa með frekari upplýsingum. 

Kennararnir

Deild ekki valin

Brynja Scheving

Brynja hóf ballettnám í Ballettskólanum ung að árum en auk þess stundaði hún nám í Listdansskóla Þjóðleikhússins. Brynja tók ballettkennarapróf á vegum Félags íslenskra listdansara, FÍLD árið 1988 og hefur starfað við kennslu síðan.

Á yngri árum tók Brynja þátt í hinum ýmsu uppfærslum á vegum Þjóðleikhússins og Íslenska dansflokksins eins og Gosa, Orfeifur og Evridís og Blindisleik. Árið 1987 hlaut hún styrk úr Styrktarsjóði ungra listdansara og hlaut þjálfun um tíma með Íslenska dansflokknum og dansaði m.a. með flokknum í verkinu Draumur á Jónsmessunótt. 

Brynja útskrifaðist frá Kvennaskólanum í Reykjavík, af uppeldissviði, árið 1987. Hún hefur sótt margs konar námskeið í dansi hérlendis sem erlendis eins og Yorkshire ballet seminars, Palucca Schulen í Dresden o.fl. 

Hún hefur samið fyrir sjónvarp og leikhús, þ.á.m. Skoppu og Skrítlu í Borgarleikhúsinu.

Brynja hefur verið skólastjóri skólans frá árinu 2002. 

Edda Scheving

Edda byrjaði í ballett 3 ára. Hún hefur tekið þátt í sýningum skólans síðan, þá annað hvort sem nemandi eða sem danshöfundur. 

Hún hefur einnig stundað nám við Listdansskóla Íslands og JSB en hún útskrifaðist af samtímadansbraut JSB árið 2013. 

Edda lauk stúdentsprófi á listabraut frá Fjölbrautarskólanum í Garðabæ árið 2013. Hún hefur sótt ýmis dansnámskeið hér heima sem og erlendis, m.a. í Trinity Laban í London.

Edda aðstoðaði í kennslu í skólanum í mörg ár en hefur verið einn af aðal kennurum við skólann síðan 2013.

Soffía Dröfn Marteinsdóttir

Soffía hóf nám í Ballettskólanum 7 ára gömul og þaðan lá síðan leiðin í Listdansskóla þjóðleikshússins. 

Hún dansaði í ýmsum uppfærslum Íslenska dansflokksins og Þjóðleikhússins m.a. Giselle, Öskubusku, Paquitu ofl. Hún hlaut styrk úr styrkstarsjóði ungra listdansara árið 1987 og hefur hún sótt ballettnámskeið víða, meðal annars í New York, London og víðar í Evrópu. Hún dansaði með Íslenska jassballettflokknum á meðan hann starfaði. 

Hún byrjaði kennslu sem aðstoðarkennari við hlið Ingibjargar Björnsdóttur skólastjóra Listdansskólans 16 ára gömul og kenndi einnig á ballettárunum í Jassballettskóla Báru, Dansstúdíó Sóleyjar og Dansstúdíó Dísu. 

Soffía er stúdent frá Verzlunarskóla Íslands. Hún er einnig lærður fatahönnuður og yogakennari. 

Soffía hefur kennt í Ballettskóla Eddu Scheving frá árinu 2002.