Miðstig

Miðstig er aðeins kennt í húsnæði skólans í Skipholti 50c. 
Sjá allar upplýsingar um daga/tíma hér til hliðar.

Hvað viljum við fá út úr náminu?

Eftir því sem börnin þroskast öðlast þau meiri skilning og vald á líkamanum. Námið verður erfiðara og krefst því meiri sjálfstjórnar og aga. 

Nemendur öðlast aukið sjálfsöryggi, læra að einbeita sér og tileinka sér þann sjálfsaga sem þarf til að ná langt. Ballettþjálfun eykur styrk, þrek, lipurð og mýkt. 

Mikið er lagt upp úr því að nemendur hafi gaman af dansinum og njóti þess sem hann hefur upp á að bjóða.

Hvaða dansstílar eru kenndir?

Mismunandi dansstílar eru kenndir og kynntir fyrir nemendum en klassíski ballettinn er í aðalhlutverki. Nemendur fá að kynnast öðrum greinum eins og jazzballett og nútímaballett, auk þess floor barre tækni, þjóðdönsum o.fl.

Ballettnámskeið enda alltaf með foreldrasýningu í lok annar í sal á haustönninni en í Borgarleikhúsinu á vorönn.

Hámark 18 í hóp. Alltaf 2 kennarar. Skráning er bindandi.